Сэтинньи 10 күнэ - Аан дойдуга ыччат күнэ.

Бу күн  «Сайдам» НАДь Хатырык нэһилиэгин тэрилтэлэригэр үлэлии кэлбит саҥа специалистарыгар “Тобул” күрэх ыыттыбыт.

Манна Хатырык орто оскуолатыттан английскай тылын учуутала Анастасия Афанасьевна, физкультура учуутала Анатолий Владимирович, Н.Н. Атласов аатынан Хатырыктааҕы оҕо искусствотын оскуолатын фольклор кылааһын учуутала Анатолий Анатольевич Захаров, “Кэскил” оҕо сайдар киинин дьааһыла группатын баспатаатала Намыына Ивановна, Сахатранснефтегаз салайааччыта Семен Иванович, Хатырыктааҕы ветеринария үлэһитэ Сардаана Даниловна  кыттыыны ыллылар.

“Тобул” күрэх 4 түһүмэхтэн турда: 1 түһүмэх - 4 хартыынаттан биир тылы таһаарыы; 2 түһүмэх - букубаттан тыллары таһаарыы; 3 түһүмэх - ырыаһыты таайыы; 4 түһүмэх - сыал быраҕыы.

Күрэх сыала соруга саҥа исписийэлиистэри билиһиннэрии уонна тургутан көрүү буолла.

Соторутааҕыта эдэр ыччат салайааччытынан Ариан Татаринов үлэтин саҕалаабыта, кини былаанын кэпсээтэ, билиһиннэрдэ уонна тэҥҥэ күрэҕи салайсан ыытта.

Кыттааччыларбыт Хатырык нэһилиэгин сөбүлээбиттэрин уонна олохсуйуохтарын баҕаралларын  эттилэр. Нэһилиэк сайдыыта- саҥа көрүүлээх  ыччаттан, дьонуттан- сэргэтиттэн тутулуктаах. Хатырыкпыт сайдан салаллан иһэригэр, саҥа сүүрээн киирэн иһэригэр баҕарабыт.