Олунньу 1-28 күнүгэр дылы IV түгүлүн ыытыллар “Уол оҕо-үс өргөстөөх” аһаҕас уол оҕоҕо аналлаах ырыа күрэҕэ ыытылынна.

Күрэх сыала соруга уол оҕо ылыыр дьоҕурун сайыннарыы, уол аатын үрдэтии буолар, дойдуга таптал туһунан ырыанан оҕо патриотическай санаатын иитии буолар.

Күрэххэ 10 соҕотохтуу, 4 бөлөх уопсайа 32 оҕо кытынна.  Бу көрдөрүү ааспыт сыллартан кыра буолла. Пандемия турбута сабыдыаллаабыта саарбаҕа суох. Ол эрэн бу сырыыга олус талааннаах оҕолор кытаннар тыыннаах күөн көрсүүнү көрдөрдүлэр:

Маҥнайгы бөлөххө 3 истиэпэннээх Лауреат  Дьокуускай куораттан  Толстоухов Тимур, 2 истиэпэннээх Лауреат Мэҥэ-Хаҥаластан Попов Айтал, 1 истиэпэннээх Лауреат Дьокуускай куораттан Иванов Саша ыллылар.

Иккис бөлөххө 3 истиэпэннээх Дипломант Уус-Алдантан Степанов Эльдар, 2 истиэпэннээх Дипломант Нам улууһун Бөтүҥ нэһилиэгиттэн 1 кылаас бөлөҕө, 1 истиэпэнээх Дипломант Тааттаттан Сабарайкин Урсун, 3 истиэпэннээх Лауреат Уус-Алдантан Протодьяконов Арсен, 2 истиэпэннээх Лауреат Таатта улууһуттан "Сарыал" бөлөх, 1 истиэпэннээх Лауреат Таатта Кыйытыттан Сабарайкин Урсун тигистилэр.

Үһүс бөлөххө 1 истиэпэннээх Дипломант Таатта Тыараһатыттан “Дьоҕур” бөлөх, 3 истиэпэннээх Лауреат Уус-Алдантан Арсен, Георгий Осиповтар, 2 истиэпэннээх Лауреат Уус-Алдантан  Портнягин Уйгун,1 истиэпэннээх Лауреат Уус-Алдантан Константинов Валериан ыллылар.

Муҥутуур кыайыылааҕынан Горный Бэрдьигэстээҕиттэн Яковлев Алмаз ылла. Кини устар ууну сомоҕолуур туруоруллубут ыллам куолаһа дьүүллүүр сүбэ болҕомтотун татта.

Бары кыттааччыларга, чуолаан салайааччыларга бүрүүкээн турар хамсык кэмигэр уолан оҕолорго кэрэни саҕаргытыгар, уол оҕо дьоҕурун уһуйан такайан таһаараргытыгар барҕа махталбытын тиэрдэбит, инниктин өссө да үрдүк ситиһиилэри баҕарабыт.