"Далбар Хотун-21" республиканскай күрэскэ Намнар финалга киирэн ситиһиилээхтик кытынныбыт
Бу күрэххэ Хатырыкпыт нэһилиэгиттэн Нам улууһуттан сүүмэрдэнэн "Далбар Хотун" Татаринова Любовь Семеновна кыттан Республика күрэҕэр "Талба Хотун" номинацияны ылары ситистэ
Любовь Семеновна - иллээх дьиэ кэргэн ийэтэ, сатабыллаах хаһаайка, эйэҕэс эбээ, үөрэнээччи кутун туппут учуутал, тапталлаах кылаас салайааччыта, истиҥ дьүөгэ, киһи киэнэ килбиэнэ. Наммыт улууһун, Хатырык нэһилиэгин аатын киэҥ туонаҕа ааттаппыккар бары үөрэбит, киэҥ туттабыт!
Күндү Любовь Семеновна!
Өрөспүүбүлүкэтээҕи «Далбар Хотун- 2021» күрэх киэҥ туонатыгар ситиһиилээхтик кыттыбыккынан истиҥник эҕэрдэлиибит!
Сахалыы сэмэй куттаах,
Чараас уйан дууһалаах,
Кэрэни кэккэлэтэр,
Сиэдэрэйи тиһэр,
Айар – тутар алыптаах,
Саха мындыр толкуйун
Сурукка – бичиккэ тиһэн
Дьоҥҥун – сэргэҕин үөрдэҕин,
Сомсон ылбыт билиигин, сатабылгын,
Өбүгэ быстыбат ситимин
Үүнэр көлүөнэҕэ иҥэрэргэр
Барҕа махталбытын тиэрдэбит. Баҕарабыт табыллыбыт ырыа – хоһоон курдук үгүс үтүмэн махталлаах үөрэнээччилэри, дьиэ кэргэҥҥэр или-эйэни, тус олоххор ситиһиилэри баҕарабыт!