14:08 Ахсынньы 1 күнүгэр ойуур баһаарын утары охсуспут биир дойдулаахтарбытын үөрүүлээх быһыыга-майгыга чиэстээтибит. | |
Бу сыл сайыныгар Саха сирин устатын-былаһын тухары ойуур баһаардара тураннар дьон-сэргэ кута-сүрэ айманыан айманна. Саха киһитэ барахсан, бултуур-алтыыр, күүс-уох эбинэр хаарыан хампа күөх тыатын кытарарга былдьатан эрэриттэн хараастан, ыксаан-ыгылыйан ууга-уокка киирэ сырытта. Алдьархай ааҥнаан киириитэ дьону түмтэ. Норуот сомоҕолоһуутун көрдөрдө. Норуот күүһэ – көмүөл күүһэ! – диэн өбүгэлэр мээнэҕэ эппэтэхтэрэ. Бу сыл сайыныгар Нам улууһугар элбэх баһаар туран нэһилиэк дьоно бары кэриэтэ биир киһи курдук улахан уот халҕаһатын утары туруммуттара. Бу күн "Хатырык нэһилиэгэ" МТ баһылыга Юрий Вячеславович Дьяконов, "Нам улууһа" МТ баһылыгын тыатын хаһаайыстыбатын хайысхатыгар солбуйааччытыгар Филипп Васильевич Николаев,“Нам улууһа”МТ ойуур хаһаайыстыбатыгар начальнигар Матвей Семенович Жирков үөрүүлээх быһыыга-майгыга грамоталары, махтал суруктары уопсайа 20 киһи, ол иһигэр эдэр ыччаттар, урбаанньыттар, түмсүүлэр, хатырык нэһилиэгин тэрилтэлэрэ туттулар. Бу сылга бүрүүкээбит кураан, куйаас күннэр ойуур баһаардарын кытта охсуһууга төһө да уустуктары үөскэттэллэр, бары нэһилиэктэр туруулаһан туран баһаары утары охсуһан ийэ сирбитин, баай хара тыабытын төһө кыалларынан харыстаатыбыт. Махтал буоллун хорсун эр бэртэрбитигэр, ас астаан ыыппыт кэрэ аҥардарбытыгар, үбүнэн, араас малынан көмөлөспүт урбаанньыттарга, кырдьыга бар дьоҥҥо алдьархай кэллэҕинэ бары түмсүүлээх буоллахпытына, кыайыылаах буоларбытын өссө төгүл биллибит.
| |
|
Всего комментариев: 0 | |