СДК "Сайдам"

"БИҺИГИ СЭБИЭСКЭЙДЭР "

sdksaydam — Mon, 24 Feb 2025 03:27:20 GMT

Биһиги эһэлэрбит, аҕаларбыт ааттарыгар сүгүрүйэн уонна Армия күнүгэр анаан, нэһилиэкпит көхтөөх эр бэртэрин көҕүлээһининэн – Биһиги Сэбиэскэйдэр тэрээһин буолла. Ханнык да былаас, олох хаамыыта история кэрчигин сотон кэбиһэрэ сатаммат. Ааспыты билбэккэ эрэ сайдыы барбат. ССРС - 15 союзнай республиканы холбообут, 70 сыл устата аан дойду политическай картатыгар саамай күүстээх держава аатын сүкпүтэ. ССРС историята хас биирдии дьиэ кэргэҥҥэ 4 көлүөнэни ситимниир. КЫАЙЫЫ 80 СЫЛЫН көрсө уонна нэһилиэккэ "Ытыктабыл" сыла биллэриллибитинэн "БИҺИГИ СЭБИЭСКЭЙДЭР " диэн тэрээһин ийэлэрбит- аҕаларбыт, эбээлэрбит - эһээлэрбит олорон ааспыт олохторун, бойобуой суолларын кэнчээри дьоммутугар кэпсиир, ситими тиэрдэр соруктаах тэрилиннэ.

Онон бүгүҥҥү күрэхпит урут Советскай Союз саҕана үлэлээбит аҕам саастаах дьоммутун, ытык кырдьаҕастарбытын Аҕа дойду сэриитин бэтэрээннэрин ааттарын үйэтитэр сыаллаах тэрилиннэ. Ол курдук: 1. *СЛЕПЦОВ АЛЕКСЕЙ ИВАНОВИЧ* бирииһигэр дартска 2. *ЗАРОВНЯЕВ АЛЕКСЕЙ СЕМЕНОВИЧ* бирииһигэр салгын саатынан ытыыга 3. *ТАТАРИНОВ ИННОКЕНТИЙ АФАНАСЬЕВИЧ* бирииһигэр бэстилиэтинэн ытыыга буоллулар. Бириистэри сэрии бэтэрээннэрин оҕолоро, сиэннэрэ уонна энтузиаст дьоммут Захаров Василий Егорович, Иванов Роман Дмитрьевич, Попов Александр Николаевич, Новгородов Максим Алексеевич, Попов Гаврил Дмитрьевич, Шелковников Валерий Михайлович, Соропов Жугджур Соропович, Васильев Валентин Титович туруордулар. Бэрт сытыы киирсиилэр кэннилэриттэн кыайыылаахтар сыаналаах бириистэринэн, мэтээллэринэн, грамоталарынан наҕараадаланнылар. Ону тэҥэ бириистээх оонньуулар, викторина ыытылынна, эҕэрдэ ырыалар ылланнылар.

олунньу ый иккис аҥарын сонуннара

sdksaydam — Thu, 02 Mar 2023 03:45:16 GMT

Олунньу 15 күнүгэр Дьокуускай куоракка профсоюз дьиэтигэр сарсыарда 10 чаастан обсуждение национальной стратегии действий в интересах женщин на 2023-2030 годы.и внесение предложений актива из улусов и городов в проект Плана мероприятий по реализации в 2023-2026 годах 1 этапа.

Презентация федерального партийного проекта «Женское движение Единой России»по 5 основным направлениям итд.

Нам улууһуттан делегация буоламмыт киирдибит.Салайааччы улуус баһылыгын социальнай боппуруоска солбуйааччыта Игнатьева М.С.

Хатырык нэһилиэгиттэн депутат Ефремова Е.В.кыттыыны ылла.

Хас нэдиэлэ аайы «Сайдам» НАДь дьиэтигэр актовай залыгар сарсыарда понедельник, вторник, среда, четверг 8.30 чаастан эти - хааны уһугуннарар уонна эрчийэр дьарык буолар.

Манна Хатырык нэһилиэгин үлэлиир пенсионер дьахталлара дьарыктаналлар.

Саҥа састаап эбии киирэн, дьарыгы күн аайы көтүпэккэ сылдьаллар.

Ону таһынан хас пятница аайы «День красоты» диэн ананар.Манна көтүппэккэ сылдьыбыт дьахталларга бонус олохтонор.

Ол эбэтэр босхо көрүҥүнэн массаж лица,рук,кисти,стоп уонна головы , шеи оҥоттороллор.

Көтүппүт киһи 50 солк.төлөөн оҥотторор буолар.

Бу дьарык дьахтар духуобунай уонна эт-сиин,өй-санаа,ис турук тупсуутугар уонна сайдыытыгар үлэлэнэр.

Олунньу 18 күнүгэр Хамаҕатта нэһилиэгэр «Түһүлгэ» НАДь эбиэт кэннэ 4 чаастан Саха Өрөспүүбүлэкэтин культуратын үтүөлээх үлэһитэ, норуот маастара Ульяна Миронова уонна норуот уус-уран оҥоһуктарын маастара Зинаида Иванова салайааччылаах «Уран түмсүү» (Мирнай куорат) «Иис алыптаах эйгэтигэр» быыстпаката буолан ааспыта.

Ульяна Егоровна Миронова,Зинаида Федоровна Иванова икки күн устата маастар-кылаас ыыттылар,сүбэ-ама биэрдилэр.

Быыстапаканы үөрүүлээхтик арыйыы уонна эҕэрдэлэһии буолла.

Хатырык нэһилиэгиттэн «Сайдам» НАДь Ефремова Е.В. уонна Наумова У.Г баран кыттыыны ыллылар уонна эҕэрдэлэргэ кыттыстылар.

Олунньу 19 күнүгэр М.К.Аммосов аатынан Хатырык орто оскуолатын спортзалыгар түөлбэ ветераннарын икки ардыгар күрэхтэһии буолан ааста.

Күрэхпит быйылгы нэһилиэкпитигэр Чэбдигирии уонна хоту зона ветераннарын күрэхтэригэр бэлэмнэнии чэрчитинэн ыытылынна.

Күрэҕи ветеран советын председателья Захарова М.А уонна спорт тэрилтэтиттэн Винокуров В.В,Собакин В.Е уонна ыччат лидера Татаринов А.А судья быһыытынан уонна күрэх көрүҥнэрин толкуйдаан ыыттылар.

Уопсайа 5 түөлбэ кыттыыны ыллылар:

Атамай,Билии,Тимир Умаппыт - «Ситим»
Кырдал,Эйэ,Бэттиэмэ - «Сомоҕо»
Чэбдик,Ыаллыылар - «Чэбдик ыаллар»
Саһарҕа,Сайдыы

Бастакы миэстэҕэ таҕыста «Чэбдик ыаллар»;

Иккис миэстэҕэ «Саһарҕа,Сайдыы»;

Үһүс миэстэҕэ «Ситим» таҕыстылар.

Ону таһынан биирдиилээн көрүҥүнэн миэстэлэри олохтоотулар.

Олунньу 19 күнүгэр «Тур выходного дня » проект чэрчитинэн Дьокуускай куораттан ыалдьыттар кэлэн бардылар.Былааннаах программа үлэлээтэ.Ол курдук:

Ыалдьыттары көрсүү
Түптэ унаар буруотунан арчылааһын
М.К.Аммосов аатынан Саха Өрөспүүбүлэкэтин Судаарыстыбыннаһын түмэлин реэкспозициятын көрүү
Сквер Республика территориятын көрүү уонна фотосет
Турбаза «Үрдүк Иирэ» миэстэтин таһыттан көрүү
Эбиэт (Ефремовтар дьиэ кэргэн)
Хомуһунан алгыс уонна аһаҕас кэпсэтиилэр
Атаарыы

Кэлбит ыалдьыттар М.К.Аммосов олоҕун,үлэтин туһунан сиһилии билэн бардылар.Хатырык нэһилиэгин кэрэ миэстэлэрин көрөн,алгыс,арчы ыланнар,духуобунай өттүгэр элбэх боппуруостарга эппиэт ыланнар, олус астынан дуоһуйан тарҕастылар.

Олунньу 20 күнүгэр улуус актовай саалатыгар күнүс 11 чаастан Слепцов Ю.И «Душа России» Аан дойдутааҕы фестиваль күнүн Нам улууһугар ыытыы тэрээһинин бастакы комиссия мунньаҕа буолан ааста. Хатырык нэһилиэгиттэн «Сайдам» НАДь методист уонна «Кырадаһын» түмсүү куратора Наумова Ульяна Геннадьевна кыттыыны ылла, былааннаах үлэни ырытыста,туруоруста.

Тэрээһин культурнай, сырдатар программата оҥоһуллан бигэргитиллиэҕэ. Ситэрии, хоторуу үлэтэ барар.

Олунньу 20 күнүгэр Культура уонна духуобунай сайдыы управлениятын начальнига график быһыытынан Хатырык нэһилиэгэр сарсыарда 10 чаастан кэлэн култуура тэрилтэлэрин кэрийдэ,көрдө,билистэ,проблемалары,этиилэри иһиттэ.

Кэлэн бардылар:

Ядрихинскай С.П -начальник управления культуры
Ипполитов Р.Е - зам.начальника по работе с ОМСУ
Бурцева Л.Н - спец.по доп.обр.
Афанасьев А.С - директор ДШИ
Максимова А.И - режиссер управления культуры

Аан бастакынан М.К.Аммосов аатынан Саха Өрөспүүбүлэкэтин Судаарыстыбыннаһын түмэлин көрдүлэр,билистилэр.Онтон администрацияҕа кэлэн культура олорор хоһун көрдүлэр.Ол кэннэ уопсай кэпсэтии мунньаҕа буолла.Манна кыттыыны ыллылар:

Ноговицын А.Е -зам.главы МО Хатырыкский наслег
Ефремова Е.В - «Сайдам» НАДь директора
Татаринов И.А -Н.Н.Атласов аатынан оҕо искусствотын оскуолатын заведущайа
Местникова Т.А -М.А.Охлопкова аатынан модельнай библиотека специалиһа
Левина Л.И - «Сайдам» НАДь уус-уран салайааччыта
Маркова М.М - «Сайдам» НАДь култь.организатора
Ылахов А.А - «Сайдам» НАДь звукооператора

Олунньу 21 күнүгэр 10.00 чаастан семинар ыытылынна хореография,театральнай уонна вокал хайысхаларыгар.Наумова У.Г уонна Левина Л.И.сырыттылар.

Ону тэҥэ Аппааны «Чороон» НАДь делегацияны көрсүү уонна проектары суруйуу,кэпсээһин,боппуруостарга эппиэттэһин үлэтэ ыытылынна.

Ону таһынан 15.00 чаастан Дьокуускайдааҕы коллегалар культура үлэһиттэрэ Пушкинскай каартаҕа семинар ыытыллар,үөрэттилэр.

Олунньу 21 күнүгэр күнүс 14.00 чаастан М.КАммосов аатынан култуура уонна духуобунай сайдыы дыбарыаһыгар төрөөбүт тыл,сурук-бичик күнүгэр аналлаах декада чэрчитинэн ыытыллар научнай-практическай конференция буолан ааста.Манна кыттыыны ыллылар «Сайдам» НАДь директора Ефремова Е.В уонна Левина Л.И -уус-уран салайааччы.

Олунньу 24 күнүгэр Аҕа дойдуну көмүскээччилэрин күннэрин бэлиэтээһин чэрчитинэн Хатырыкка төрөөбүт,үөрэммит,үлэлээбит эр дьон Үрдүк Иирэ туристическай комплексыгар кэлэн муһуннулар.

Махсыым Аммуоһап төрөөбүт Аччыгый Арыытыгар киирэн аал уот оттон алгыстаннылар уонна оһуохай таһаардылар.Алгыһы Пинигин А.М-Лоҥхо уус оҥордо,оһуохайы Н.Н.Атласов аатынан оҕо искусствотын фольклогра преподавателя Сайдам Мухин таһаарда.

Тэрээһини иилээн-саҕалаан ведущай быһыытынан салайда биир дойдулаахпыт Алескандр Дьяконов.

Бу сүрүн улахан тэрээһиҥҥэ улууспут баһылыга Слепцов Ю.И.кыттыыны ылла.Ону таһынан ыҥырыылаах ыалдьыт быһыытынан Местников В.В-Кынат Монуок диэҥҥэ маастар кылаас көрдөрдө уонна сиһилии кэпсээтэ.

Тэрээһиҥҥэ барыта уопсайа 76 эр дьон муһунна.

Манна спортивнай «Коронхолл» уонна «Дартс» көрүҥнэргэ күрэх буолан ааста.Ол чэрчитинэн «Коронхолл» көрүҥэр кыайыыны ылла Хатырыктар күтүөттэрэ Кэбээйи улууһун,Сэбээн нэһилиэгиттэн Бурцев Гаврил буолла. «Дартс» көрүҥэр Охлопков Егор Егорович кыайыыны ылла.Сыаннай бирииһинэн наҕараадаланнылар.

Розыгрыщ лоторея тарҕанан атыыламмыта,манна 122 киһи кытынна.

Розыгрыш сүрүн бирииһэ убаһа турбута.

Сүрүн бирииһи олохтоох уолбут сылгыһыт ветеринарнай службаҕа үлэлиир Петр Попов ылла.

Хатырык эр дьоно биир санаалаахтарын көрдөрөннөр, бу 122 киһи СВОҕа сылдьар уолаттарбытыгар 70000 солк.розыгрышка киирбит харчытын ыытахтара.

Олохтоох дьаһалта бөһүөлэккэ олорор сулуспалыы сылдьар уолаттар дьонноругар бородуукта биэрдэ.

Бу мсутубут эр дьон СВОҕа сылдьар уолаттарга куйаар ситиминэн эҕэрдэ ыыттылар.

Хатырык сайдыытыгар элбэх тыл-өс этилиннэ.

Улууспут баһылыга кэлэн кыттыыны ылан спортивнай күрэххэ кыттыста уонна санаатын этэн барбытыгар мустубут дьон астыннылар.

Олунньу 25 күнүгэр «Тур выходного дня » проект чэрчитинэн Дьокуускай куораттан ыалдьыттар кэлэн бардылар.

Кэлбит ыалдьыттар М.К.Аммосов олоҕун, үлэтин туһунан сиһилии билэн бардылар.Хатырык нэһилиэгин кэрэ миэстэлэрин көрөн,алгыс,арчы ыланнар,духуобунай өттүгэр элбэх боппуруостарга эппиэт ыланнар, олус астынан дуоһуйан тарҕастылар.

Олунньу 20 күнүгэр Аһаҕас 12 республиканскай ансаамбыллар ,хордар уонна вокалистар патриотическай ырыаҕа конкурстара буолан ааспыта.

Хатырык нэһилиэгиттэн «Уйгу» дьахталлар вокальнай ансамбыллар кыттан лауреат 2 степени буоллулар.Уус-уран салайааччы «Сайдам» НАДь Левина Л.И.

Олунньу 14 күнэ

sdksaydam — Wed, 15 Feb 2023 03:05:59 GMT

Төрөөбүт тыл, сурук-бичик күнүн көрсө нэһилиэкпит баһылыга Юрий Вячеславович Дьяконов уонна тэрилтэ салайааччылара инникини былаанныыр мунньах кэнниттэн хомус алгыстаах тыаһынан арчыланнылар, саха тылын сүмэтин иҥэринэр хоһооннору аахтылар, оһуохайдаан оонньоотулар. Саха буолан сандаарыаҕыҥ, киһи буолан килбэйиэҕиҥ.

Олунньу 14 күнүгэр М.А. Охлопкова аатынан Хатырыктааҕы модельнай библиотека тэрийбит "Өй оонньуута" күрэххэ нэһилиэкпит култууратын үлэһиттэрэ уонна бэтэрээннэрэ хамаанда тэринэммит кыттыыны ыллыбыт.
"Сайдам" норуот айымньытын дьиэтин хамаандата 1 миэстэ, "Далбар" түмэл хамаандата 2 миэстэ, "Дьулуур" оҕо искусствотын оскуолатын хамаандата 3 миэстэ ылары ситистилэр.

Олунньу ый маҥнайгы аҥарын сонуннара

sdksaydam — Wed, 15 Feb 2023 02:31:33 GMT

Олунньу 12 күнүгэр киэһээ 5 чаастан Хамаҕатта нэһилиэгэр «Түһүлгэ» норуот айымнньытын киинигэр «Баҕа санаа» диэн ааттаах Олеся Скрябинаҕа анаан акция көмө концерт буолан ааста.Уопсайа холбоон 30 тахса номер таҥыллан киирэн толорулунна.Хамаҕатта нэһилиэгин айар талааннаахтар уонна Олеся чугас аймах билэ дьоно кэлэннэр ыллам ырыаларынан,үҥкүүлэринэн олус киэргэттилэр.Ону тэҥэ биһиги Хатырык нэһилиэгиттэн делегация буоламмыт тиийэн айымнньылаах киэһэҕэ кыттыыны ыллыбыт. Елена Ефремова Хатырыктааҕы «Сайдам» НАДь салайааччыта иилээн-саҕалаан нүөмэрдэри билиһиннэрдэ уонна туруктаах биир ситимҥэ киллэрэр,көмө буолар хомуһунан алгыс түһэрдэ.Эҕэрдэ тылы нэһилиэк баһылыга Дьяконов Юрий Вячеславович эттэ уонна нэһилиэктэн көмө харчы хомуйуутун суумматын этэн туттарда.
«Уйгууна» үҥкүү бөлөҕө Алгыс үҥкүүтүнэн уонна «Махсыым уолаттара» түмсүүлээх доҕордуу ырыаларынан бар дьону сэргэхситтилэр,түмүктээтилэр.

Олунньу 13 күнүгэр Ийэ тыл,сурук-бичик күнүнэн М.К.Аммосов аатынан Хатырык орто оскуолатыгар спортзал саалатыгар сарсыарда 8.30 чааска үөрэнээччилэр уонна учууталлар буолан үөрүүлээх тэрээһини тэрийдибит. Сыала : төрөөбүт тыл сүмэтин эриэккэһин,кэрэтин билиһиннэрии.
Ийэ тылынан киэн туттуу,өрө тутуу,туттулар эйгэтин кэҥэтэргэ туруулаһыы,үлэлэһии.Саха ырыатынан уонна хомус тыаһыгар ыраастаныы.
«Сайдам» НАДь салайааччыта Елена Ефремова оскуола оҕолоругар Семен Андреевич Новгородов туһунан кылгастык билиһиннэрэн кэпсээтэ.Ол кэннэ РФ уонна Саха Өрөспүүбүлэкэтин гимнын иһиттилэр.Сахалыы тыҥҥа угуттанан сиэр быһыытынан алгыстаах хомус тыаһыгар арчыланнылар.
Оҕо сайдар тускулугар,сахалыы тылы сөпкө саҥарарыгар, тыыны ыларыгар эрчиллии холобурдарын үөрэтэн көрдөрдүлэр.
Түмүгэр оҕо тулалыыр эйгэтигэр мэлдьи махталлаах буоларыгар холобурдаан дьайыы оҥордубут.

Олунньу 11 күнүгэр Хатырыктан саҥардыы тэриллибит наставниктар түмсүүлэрин салайааччылара Заровняева Екатерина Семеновна уонна "Сайдам" НАДь уус-уран салайааччыта, ""Күбэйэ куо" дьиэ кэргэн айымньытын киинэ" бырайыак ааптара Левина Любовь Ильинична Хаҥалас улууһугар Саха Сирин бастакы президиэнин М.Е. Николаев аатынан архив библиотекатыгар "Наставничество во благо семьи" диэн дьахтар хамсааһыныгар аналлаах стратегическай сессия ыытылынна.
Манна Мэҥэ-Хаҥалас, Горнай, Уус-Алдан, Дьокуускай, Хаҥалас, Нам улуустара кыттыыны ыллылар. "Наставник диэн кимий? Хайдах киһи буолуохтааҕый?" диэн ыйытыктар тула кэпсэтиһии буолла.
Ону таһынан хамаандаларга арахсан бырайыак суруйуутугар доҕордоһуу күрэҕэ буолла.
"Опыт атастаһан олус үчүгэй сырыы буолла" диэн сэҥээрэн кэллилэр.

Олунньу 8 күнүгэр күнүс 11 чаастан култуура дыбарыаһыгар загса саалатыгар фестваль тула сүбэ мунньаҕа буолла.
Заровняева Елена Александровна улуустааҕы норуот айымнньытын дьиэтин уус-уран салайааччыта былааннаах үлэлэри билиһиннэрдэ.Уонна фестиваль сүнньүнэн биирдиилээн ирдэнэр номердары ырытыы буолла.
«Сайдам» НАДь коллективыттан мунньахха уус-уран салайааччы Левина Любовь Ильинична сырытта.

Олунньу 7 күнүгэр М.К.Аммосов аатынан Саха Өрөспүүбүлүкэтин Судаарыстыбыннаһын түмэлигэр Дьокуускай куораттан аһаҕас кэпсэтиигэр Дмитриев Семен Семенович -Күндэлэй көмөлөһүччэлэрин кытта кэлэн бардылар.Кэпсэтии түмэл иһигэр турбут баай сэргэ тула буолла,ону таһынан экскурциялаатылар.Кэпсэтии итэҕэл тула буолла,элбэх боппуруостар таарыллан ыллылар.Кэпсэтиини Кириллин Александр Васильевич түмэл сэбиэдиссэйэ иилээн саҕалаата уонна кэпсэтии түмүгүнэн сөбүлэҥ ылылынна.

Олунньу 5 күнүгэр Дьокуускайга Арчы дьиэтигэр Нам уулуһун оһуохайдьыттарын түмсүүтэ 10 сылыгар аналлаах Оһуокай дьоро күнэ буолан ааста.Хатырык нэһилиэгиттэн Оһуохай түмсүү салайааччыта Сыдьаайа Лоҥхо иитээччилэрин түмэн бэлэмнээн ыытта.
Ол курдук, «Сайдам» НАДь уус - уран салайааччы Любовь Левина,көмөлөһөөччү үлэһит Татьяна Иванова уонна Н.Н.Атласов аатынан оҕо искусствотын оскуолатын фольклорга преподавателя Сайдам Мухин кыттыыны ыллылар.

Кулуупка эбэм ырыата иһиллэр…

sdksaydam — Thu, 09 Feb 2023 13:51:02 GMT

Мин эбэм, Тимофеева Аграфена Тимофеевна, олоҕун устата ырыа аргыстаах.

Эдэр кыысчаан Хатырык ааҕар балаҕаныттан саҕалаан сырдык, кэрэ олоххо тардыhар. Кэрэ куолаhын дьон сэргээн истэрин сайыннара, дьоллоох Дьокуускай куоракка ыллыы-айа айанныыр. Онно Саха сирэ саамай сөбүлээн истэр араадьыйатыгар ырыаhытынан улэлии киирэр, «назначена хористкой радиокомитета» диэн бирикээс киниискэтигэр суруллар. Идэтигэр ситиhиилэрин иhин Соҕуруу, Москва куоракка, ырыаhыт идэтин толору баhылыырга үөрэххэ ыҥырыллар. Самолётунан аналлаах сиригэр көтөөрү турдаҕына, ийэтэ Хатырыктан кыыhын атаара атынан кэлэн иhэн сыарҕаҕа баттаппытын истэр. Ол курдук эбэм ийэтин ыарыылаан үөрэҕин куоттарар. Кини оннугар Соҕуруу үөрэххэ оччолорго эмиэ эдэр специалист, бииргэ Радиокомитекка улэлиир кыыhа, дьүөгэтэ, Марыына Попова барбыта диэн кэпсиирэ. Марыына Попова Саха сирин үтүөлээх биллэр ырыаhыта буолан, сааhыран да баран Хатырыкка гастроллуу кэллэҕинэ эбэбэр хайаан да ыалдьыттаан ааhара.

Радиокомитетыгар улэлии сылдьан эбэм эhэбин көрсөн ыал буолаллар. Иккиэн араадьыйа ырыаhыттара, ырыалара онно элбэхтэ иhиллэрэ. Кэлин дьиэ-уот оҥосто Хатырыкка кэлэллэр. Ол урдук ырыа аргыстаах дьоҥҥо Хатырык кулууба аанын тэлэччи аспыта.

Эhэм, Кривогорницын Иван Михайлович, аккордеонна, эбэм мандолинаҕа сөбүлээн оонньууллара, ырыаларын доҕуhуоллаан элбэхтэ ыллыыллара. Үлэлэрин кэннэ киэhэ хойукка диэри, өрөбуллэргэ эмиэ – репетиция, гастрол, кэнсиэр… Элбэх эҕэрдэ кэнсиэрдэрэ, агитбиригээдэлэр, айар биэчэрдэр ахсаанын ааҕан ситиллибэт.

Мин оҕо сылдьан эбэм концертнай элбэх былааччыйалардааҕын сэргии көрөр этим, кимиэхэ да суох эриэккэс киэргэллэрдээх, блёсткалардаах, оҕуруолардаах.. – атлас, куруhуба, парча, солко… Сыанаҕа тахсарга хайаан да атаҕын танаhыттан саҕалаан бөрүчүөскэҕэр, киэргэлгэр тиийэ барыта кыраhыабай, ыраас, дьэрэкээн буолуохтааҕын эбэбиттэн билбитим. «Сценическэй уобарас» булгуччу тутуhуллара киниэхэ өссө куораттааҕы Республика таhымнаах сыана ирдэбилиттэн баарын мин өйдүүрүм.

Өр сылларга Хатырыкка, улууска, Республикаҕа творческай үлэтин сыаналыыр элбэх грамоталар, махтал суруктар туоhулууллар. Ол курдук биир улахан үөрүүтэ – Саха сирин Культуратын Министриттэн туппут Соҕуруу курортка путёвката этэ.

Эбэм, Аграфена Тимофеевна, сыанаҕа тахсыбыта 60 сылын бэлиэтии 1994 сыллаахха Хатырык кулуубун улэhиттэрэ «Ырыа алыптаах олоҕум» диэн ааттаан айар кэнсиэрин тэрийсибиттэрэ. Ити курдук эбэм олоҕун бутэhик сылларыгар диэри таптыыр кулуубугар ыллаабыта-туойбута.

Хатырыкпыт кулуубугар дьон куруук толору мунньустара, «кэппиэйкэлээх» билиэт ыларга- уочарат, оҕо аймахха олорор миэстэ тиийбэт буолан уонна кэнсиэргэ кыраhыабай таҥастаах кыттааччылары чугастан көрөөрү, сыана иннигэр сиргэ олорорбут. Кэнсиэр саҕаланыар диэри саала үрдүк потологар ыйаммыт модьу люстралары одуулуурбут, тахсан тиритиэхпитигэр диэри мэниктиирбит.

Микрофон холбонно, кэнсиэр саҕаланна… Эбэм дьүөгэлэрин кытта үhүө буолан «Катюша» сахалыы тылбаастаммыт ырыаны көрөөччүлэр көрдөhүүлэринэн иккистээн сыанаҕа тахсан толорбуттарын бу соторутааҕыта эрэ буолбут курдук саныыбын.

Хаартыскалар:

1. Аграфена Тимофеевна5а Грамота туттарыыта;

2. «Гастроллуу бараары туран, массыына урдугэр» диэн хаартыска кэннигэр суруллубут (ханастан 2-с)

3. Кулууп улэhиттэрин кытта;

4. Кулуупка Сана Дьыл биэчэрэ (уна)

5. «Катюша» - трио (ханаска)

Ахтыыны суруйда Ольга Кривогорницына

Тохсунньу, 2023 с.

Положение открытого вокального конкурса "Уол оҕо үс өргөстөөх"

sdksaydam — Wed, 01 Feb 2023 06:32:50 GMT

Положение V открытого вокального онлайн конкурса

среди мальчиков и юношей

«Уол оҕо - үс өргөстөөх»

В рамках проекта «Ыллыаҕыҥ доҕоттоор» Левиной Любови Ильиничны,

посвящённый году педагога и наставника в России, год труда в РС (Я),

году единства и солидарности в Намском улусе.

Организаторы конкурса:

-МБУ Дом народного творчества “Сайдам” МО “Хатырыкский наслег”

-Республиканский музей истории Государственности РС(Я) им. М.К. Аммосова

Место и сроки проведения: с 1 февраля по 24 февраля 2023 г., Намский улус, с. Хатырык здание Республиканского музея истории Государственности РС (Я) им. М.К. Аммосова.

Цель конкурса:

- создание благоприятных условий в воспитании юношей, выявление одарённых, талантливых юношей, через исполнение патриотических песен.

Задачи:

-поддержка и дальнейшее развитие юношеского движения, новых стилей и форм вокального искусства;

- дальнейшее развитие исполнительского мастерства среди юношей;

- представление вокального искусства как олицетворение силы духа, мужества народа Саха и прославление мужской силы и красоты духа сынов земли Олоҥхо;

- воспитание у юношей чувства патриотизма и любви к Родине.

Требования конкурса:

-1 патриотическая песня (о родине)

-конкурсный взнос участника 200 рб. (сольный), коллективный с каждого участника 100 рб.

Возрастная группа:

-1 группа: от 4 до 6 лет (детские сады) формат проведения онлайн. Видео материал отправляется по ватсап или телеграмм на указанный номер.

-2 группа: от 7 до 11 лет (начальные классы) формат проведения очный в здании РМИГ РС (Я) с. Хатырык Намского улуса

-3 группа: от 12 до 16 лет (юноши) формат проведения очный в здании РМИГ РС (Я) с. Хатырык Намского улуса.

Награждение:

- 1 Гран-при.

- Лауреаты 1,2,3 степени в каждой группе.

- Дипломанты 1,2,3 степени в каждой группе.

- Номинация по усмотрению жюри.

Порядок и сроки конкурса:

с 1 февраля по 22 февраля отправка конкурсных видео материалов и взносов за участие 1 возрастной группы на номер 89245979475 (отправляете видео, обязательно ФИО участника (название коллектива), возрастная группа, место и организация, ФИО руководителя, адрес электронной почты).

24 февраля конкурс проводится РМИГ РС (Я) им. М.К. Аммосова по адресу с.Хатырык ул. Аммосова.

Возможна экскурсия по РМИГ РС(Я) им. М.К. Аммосова взрослым 100 рб детям 50 рб. (возможна оплата пушкинской картой.)

К.н: Художественный рук. МБУ ХДНТ “Сайдам” Любовь Левина – 89245979475 (ватсап, телеграмм)

итоги юбилейного 2022 года

sdksaydam — Tue, 31 Jan 2023 07:29:59 GMT

27 января состоялось долгожданное итоговое мероприятие Хатырыкского наслега.
" Итоги года 2022".

Были почетные гости Председатель государственного собрания ИЛ Түмэн РС(Я) Алексей Ильич Еремеев, глава МО "Намский улус" Юрий Иннокентьевич Слепцов, Председатель депутатов МО "Намский улус" Алексей Иванович Винокуров, приглашены наши земляки с разных точек необъятной нашей республики, которые вложили свой неоценимый вклад в развитии села в юбилейный год 125 летия выдающегося государственного, политического деятеля М.К. Аммосова.

Праздник украсили солисты театра эстрады г. Якутска Василий Еремеев, Альберт Унаров, Джида, также ансамбли художественной самодеятельности "Саһарҕа", "Уйгууна", "Махсыым уолаттара".

"Кырадаһын" кыбытык тигии иистэнньэҥнэрэ 5 сыллаах үлэлэрин бэлиэтиир тэрээһинэ.

sdksaydam — Mon, 28 Nov 2022 03:50:27 GMT

Саха дьахтара барахсан! Кини дуулаҕа тулуура, өркөн өйө, булгуруйбат модун санаата, аһыныгас уйаҕас сүрэҕэ, уоттаах таптала, сылаас сымнаҕас илиитэ, уһулуччулаах сатабыла. Саха дьахтара олох араас эридьиэһин тулуйан, өссө кыайыылаах тахсыбыта: күн курдук угуттуур, кустук өҥүнэн дьэрэлийэр дьикти култуураны үөскэтэн, бүөбэйдээн, оҕо курдук өрө уунан биэрбитэ. Бу иһин, уу куттаах урааҥхай саха, Кыыс Таҥара. Күн Күбэй Ийэ иннигэр сүһүөхтээх бэйэҥ сүгүрүй, хоолдьуктаах бэйэҥ хоҥкуй, үйэлэргэ! Бу кэрэ биир сүрүн түһүмэҕин ииһин - күүһүн тыыннаах хаалан, салгыы сайыннаран, саха омук биир чээл күөх силигилиир лабаата гынан өссө да өр кэмҥэ чэлгитиэ, чэчирэтиэ!

2017 сыл. Биэс сыл аннараа өттүн быыһын сэгэтэн көрөбүт. Нам улууһа, Хатырык нэһилиэгэ. Улуу киһибит Махсыым Аммосовпыт үбүлүөйдээх сыла. Бу сыл женсовет чилиэнэ Надежда Васильевна Соропова балтын Марта Васильевна Винокурованы, Россия норуотун маастарын Дария Семеновна Козлова үөрэнээччитин ыҥыран ылан кыбытык иис кистэлэҥэр баҕалаахтары үөрэттэрэр. Дьэ мантан саҕаламмыта иис – күүс ымпык- чымпык суола...

Бастакы бар дьоннорун соһуппут үлэлэринэн биирдии бэйэлэрэ чаппараах тиктибиттэрэ буолар.

Сыыйа “Сайдам” НАДь сыстан, кулууп иһинэн формирование быһыытынан үлэлээн барбыта. Дьэ мантан саҕаламмыта үгүс тэрээһиннэргэ, быыстапкаларга кыттыы, сыллата саҥаттан саҥа үлэни айан таһаарыы. Ону барытын кумааҕыга тиһии, үйэтитии.

Ситиһии инниттэн буолбакка, баҕа санаа, дьоммут, норуоппут, ыччаппыт туһа диэн уонна бу уустук иис көрүҥэ сайдарыгар бигэ эрэл.

2017 с.- «Таптыыр сирим -Хатырык», 220х220 см иэннээх панно.

2019 с.- ат толору симэҕэ.

2020 с.- Кыайыы паннота, 125х165 см.

2022 с.- «Сир симэҕэ», художник Анна Николаевна Зверева эскиһинэн, 102х 189 см панно.

«Илгэ», автор, иистэнньэҥ, түмсүү кыттыылааҕа Докторова Ирина Николаевна тикпит 136х154 см иэннээх паннота.

Биэс сыл үлэ түмүгэ туомтуу баайыллан, түмүллэн 2022 сылга икки каталогка киирдэ: бастакынан, Россия союһун художниктарын чилиэнэ, Нам улууһун бочуоттаах олохтооҕо А.Н.Зверева таһааттарбыт – «Душа России» диэн международнай каталогар, иккиһинэн М.К.Аммосов аатынан ХИФУ историческай наука кандидата, доцент Светлана Ивановна Петрова таһааттарбыт каталогун иккис томугар.

Биэс сыл...эттэххэ дөбөҥ. Бу биэс сыл усталаах туоратыгар иис хонуутугар тэлбит ыллыккыт кэҥээн киэҥ суолга таһаарда. Ол курдук, быйылгы сылга норуоттар икки ардыларынааҕы “Душа России” быыстапкаҕа ситиһиилээхтик кыттан кэлбиттэрэ. Маны таһынан Анна Николаевна Зверева “Мир женщины Севера” диэн улахан бырайыагар, республика улахан маастардарын Ульяна Егоровна Миронова (Мирный), Мария Петровна Федотова (Таатта), Мария Петровна Сыромятникова (Нам) уо.д.а. кытта тэҥҥэ турбуттара. Бу дьулуур, тулуур, өбүгэ ситимин быстыспат сорҕото.

Сэтинньи 26 күнүгэр “Кырадаһын” иистэнньэҥнэр түмсүүлэрин 5 сыллаах үлэлэрин түмүгүн бэлиэтиир тэрээһин ыытылынна.

Манна хас биирдии түмсүү кыттыылаахтара кыбытыы тиигии эрэ буолбакка бэйэ оҥорбут араас оҥоһуктара быыстапкаҕа туран, ыалдьыт дьон биһирэбилин ыллылар.

Ыҥырыылаах ыалдьыттар “Хатырык нэһилиэгэ” МТ администрациятын сүрүн специалиһа Мария Егоровна Слепцова, Нам улууһун Олоҥхо дьиэтин салайааччыта Вера Васильевна Колпашникова, СР норуотун маастара Стручкова Прасковья Ильинияна, Паритизан нэһилиэгин “АйТик” түмсүү салайааччыта Подоксенова Ирина Ивановна уонна түмсүү кыттыылаахтара ону таһынан нэһилиэк тэрилтэлэрэ, түмсүүлэрэ эҕэрдэ тыл эттилэр.

Тэрээһин үөрүүлээх чааһыгар Ирина Николаевна Доктороваҕа “За вклад в развитие Хатырыкского наслега” түөскэ кэтиллэр бэлиэнэн наҕараадаланна.

Ону таһынан М.К. Аммосов аатынан СР Государственноһын түмэлин “За вклад в развитие музея” анал түөскэ кэтиллэр бэлиэни Ноговицына Аксинья Афанасьевнаҕа, Павлова Екатерина Константиновнаҕа, Бугаева Пелагея Васильевнаҕа түмэл салайааччыта Кириллин Александр Васильевич үөрүүлээх быһыыга майгыга туттарда.

Саха дьоно былыр былыргаттан иистэри иис – күүс диэн ааттыыллар, күүс диэн тылы тыл дэгэтигэр эрэ диэн ылбычча эппэтэхтэрэ чахчы. Сыра – сылба эстэр, күүс –уох көлбөрүйэр, быһан –отон, имитэн- хомутан, таҥастаан, өҥнөөн – дьүһүннээн, ойуулаан – дьарҕаалаан, тигэн дьоммун таҥыннарыам диэтэххэ сөҕүмэр улуу үлэ. Ону ол диэбэккэ сөҕөн, ымсыыран, чаҕыйан турбакка иистэнэбит, ол Кэрэҕэ дьулуһабыт.

"Харысхал" акцияҕа "Сайдам" норуот айымньытын дьиэтэ кытынна.

sdksaydam — Tue, 25 Oct 2022 08:19:05 GMT

Өрөспүүблүкэтээҕи "Симэх" национальнай галерея көҕүлээһининэн "Харысхал" акцияҕа "Сайдам" норуот айымньытын дьиэтин коллектива кытынныбыт.

Уопсайа 18 алгыска аналлаах набор, иһигэр: туос, сиэл, боҕуруоскай от, биэс харах харысхал уонна бэйэни күүһүрдүнүү алгыс тыла киирдэ.

Бу набор алтынньы ый 26 күнүгэр мобилизованнай эр дьоммутугар айанныыр.

Туоһунан көмөлөспүт Валентин Титович, Тамара Галиновна Васильевтар дьиэ кэргэттэригэр уонна кожанан көмөлөспүт технология учууталыгар Венера Николаевнаҕа барҕа махталбытын тиэрдэбит.

Бу алгыстаах харысхал эр хоһууттарбытыгар күүстэригэр күүс, эрчимнэригэр эрчим эбиэҕэ диэн эрэнэбит.

Хатырык уран тарбахтаахтара-саҥа каталогка.

sdksaydam — Tue, 25 Oct 2022 07:18:54 GMT

Норуот маастара, саха ииһин чинчийээччи, историческай наука кандидата, ХИФУ доцена, элбэх кинигэ автора Светлана Ивановна Петрова уонна Егорова Анэтта Андреевна редакциятынан бу күннэргэ саха билиҥҥи уустарын, иистэнньэҥнэрин үлэлэрэ түмүллүбүт каталогын иккис тома күн сирин көрдө.

Бу научнай- үөрэтэр- чинчийэр дьоһуннаах кинигэ буолар. Бастакы каталогтан уратыта көрүҥнэринэн: тимир, көмүс, туос, муос, кыбытык тигии, саха таҥаһа араарыллан таҥыллан киирбит. Уопсайа 100 тэн тахса уус үлэтэ баар.

Бастакы каталог 2021 с. тахсыбыта. Манна биһиги нэһилиэктэн СР норуотун маастардара Тамара Галиновна уонна Валентин Титович Васильевтар, иистэнньэҥ Марта Васильевна Винокурова үлэлэрэ киирбиттэрэ.

Иккис каталогка "Кырадаһын" түмсүү (сал. Соропова Н.В., куратор Наумова У.Г.) үлэлэрэ киирдэ. Тираһа 1000 эрэ ахсаанынан таҕыста.
Каталогы ылыан баҕалаахтар 7967 928 10 99 нүөмэргэ эрийэн билсиэххитин сөп.