Кулун тутар 14, 15,16 күннэргэ Российкай Федерацияҕа культурнай нэһилиэстибэ, Саха Республикатыгар Ийэ уонна ЯАССР төрүттэммитэ 100, Нам улууһугар уһулуччулаах государственнай уонна политическай деятель М. К. Аммосов төрөөбүтэ 125, Егор Герасимович Охлопков –Буоратай төрөөбүтэ 125, Захар Порфирьевич Винокуров төрөөбүтэ 100 сылларыгар аналлаах “Уруйдан-айхаллан, Эҥсиэли, Нам сирэ”  норуот уус-уран самодеятельноһын көрүү фестиваль куйаар ситимнэн ZOOM платформанан ыытылынна.

         Фестиваль быйыл 3 түһүмэххэ араарыллан ыытыллар. Маҥнайгы түһүмэх ыччат дьонтон соҕотохтуу толорооччулар:

• Хомус:  М.К. Аммосов аатынан Хатырык орто оскуолатын 8 кылааһын үөрэнээччитэ - Милена Молодова “Өбүгэ ситимин утумнаан” Хомуска дьүһүйүүнэн кытынна. Салайааччы Елена Ефремова.

• Вокал: “Махсыым уолаттара” ырыа ансаамбылын солиһа,  М.К. Аммосов аатынан Хатырык орто оскуолатын тех. үлэһитэ - Егор Местников, Эрхан Николаев тылыгар, матыыбыгар  “Доҕоттор” ырыаны гитааранан доҕуһуоллаан ыллаата.

• Инструментальнай толоруу: Н.Н. Атласов аатанан Хатырыктааҕы оҕо искусствотын оскуолатын дириэктэрэ Иннокентий Татаринов. “Ийэкээм” Иннокентий Гаврильев матыыбыгар фортепианоҕа импровизация толордо.

• Тойук: “Махтал эйиэхэ Чаҕылхай Махсыымҥа” М.К. Аммосов аатынан ХОО музыка учуутала Анатолий Захаров Юрий Васильевич Потапов-Саргын хоһоонугар олоҕуран тойугу толордо.

• Ораторскай  искусство: “Сахам Сирэ, киэҥ тутун өркөн өйдөөх, саарын дьоҥҥунан ” -  М.К. Аммосов аатынан Хатырык ОО технология учуутала Рустам Дмитриев Екатерина Спартаковна Петрова бэлэмнээбит тиэкиһин үөрэтэн дорҕоонноохтук толордо.

         Иккис түһүмэх бөлөҕүнэн толоруу. Ыам ыйын 16 күнүгэр дылы видео форманан ыытыллыаҕа. 

• вокал: дьахтар уонна эр дьон ансаамбыллара
• хореография: народнай уонна көҥүл үҥкүү
• фольклор: норуот ырыата уонна чабырҕах.

         Үһүс түһүмэх сэтинньи уонна ахсынньы ыйга ыытыллар:

• Спектакль туруоруу.
• Быыстапка көрүү.

Маҥнайгы түһүмэххэ кыттыыны ылбыт ыччаттарбытыгар, Хатырык нэһилиэгин дьонун-сэргэтин аатыттан барҕа махталбытын тиэрдэбит. Айар талааҥҥыт, ураты дьоҕургут сайдан салалла турдун. Бу курдук норуот уус-уран самодеятельноһыгар актыыбынайдык кыттан нэһилиэк аатын ааттата тураргытыгар баҕарабыт.