“Уран тыл ураты кылларын таарыйан”

Саха Республикатын суруйааччыларын союһун чилиэнэ, Нам улууһун, Ленскай, Хатыҥ-Арыы, Арбын нэһилиэктэрин бочуоттаах олохтооҕо, улуустааҕы “Отуу уота” литературнай түмсүү кыттыылааҕа, үлэ ветерана Юрий Васильевич Потапов – Саргын айымньыларын “Уран тыл ураты кылларын таарыйан” уус-ураннык ааҕыы күрэҕэ иккис сылын Хатырыктааҕы “Сайдам” сынньалаҥ киин көҕүлээһининэн, бу дьыл муус устар 14 күнүгэр ыытылынна.

Куонкуруска былырыын 113 кыттааччы баар эбит буоллаҕына, быйыл уопсайа 139 оҕо кытынна. Күрэх түөрт бөлөҕүнэн арахсан ыытылынна. Оҕолор бары даҕаны бэрт дьоҕурдаахтар, талааннаахтар, өрөйөн-чөрөйөн, туттан-хаптан ааҕаллара болҕомтону тардар.

Быйылгы күрэххэ жюри састаабыгар Никольскай нэһилиэгин Аҕа баһылыга Кривогорницын Алексей Карлович, Николай Рыкунов аатынан Улуустааҕы киин библиотека ааҕааччылары кытары үлэ отделын сэбиэдиссэйэ, СР культуратын туйгуна Попова Кристина Константиновна, Николай Рыкунов аатынан Улуустааҕы киин библиотека правовой отделын библиограва Семенова Сардаана Николаевна. Жюри бэлиэтээһининэн быйылгы күрэх кыттыылаахтара быдан тупсан, чочуллан, бэлэмнэнэн кэлбиттэрэ бэлиэтэнэр. Ону таһынан Дьокуускай куораттан тиийэ кэлэн кыттаннар мустубут дьону үөртэ даҕаны, сөхтөрдө даҕаны. Күрэх түмүгүнэн I –бөлөххө 5-7 саастаахтарга дылы Левин Сайаан Хатырык сал. Новгородова М.К., Тимофеева С.Н., II-бөлөххө 8-14 саастарыгар дылы Арбын орто оскуолатын бөлөҕө Колесова В.С. оҕолорун бөлөҕө, III- бөлөххө 15- 35 саастарыгар дылы Колесова Анисия сал Васильева А.Н. Дьокуускай куораттан, IV- бөлөххө 35 үөһээ саастаахтарга Винокурова Ирина Семеновна Хатыҥ-Арыы нэһилиэгиттэн “Муҥутуур кыайыылаах” үрдүк ааты сүктүлэр.

Күнү супту буолбут күөн күрэс көрүөх бэтэрээ өттүгэр түмүктэннэ. Кыайыылаахтарга сыаналаах кинигэ бэлэхтэри, оттон кыттааччыларга бука барыларыгар туоһу суруктары туттардылар. Күрэх спонсордарыгар барҕа махталбытын тиэрдэбит: “Хатырык нэһилиэгэ” МТ Аҕа баһылыгар Алексей Михайлович Пинигиҥҥа, “Хатыҥ-Арыы нэһилиэгэ” МТ Аҕа баһылыгар Юрий Иннокентьевич Слепцовка, “Арбын нэһилиэгэ” МТ Аҕа баһылыгар Николай Анатольевич Соловьевка, “Никольскай нэһилиэгэ” МТ Аҕа баһылыгар Алексей Карлович Кривогорницынҥа, Саха Республикатын Государственноһын музейыгар, Ю.В. Потапов аймах- билэ дьонноругар, Ю.В. Потапов- аймаҕыгар Алена Николаевна Потаповаҕа, Хатырык нэһилиэгин ветеран сэбиэтин председателигэр Мария Васильевна Захарова, Хатырыктааҕы модельнай библиотека коллективыгар, “Сайдам” СК директора Елена Ефремова, “Сайдам” СК методиһа Наумова У.Г.

Күрэх географията кэҥээн иһэрэ көрөөччүлэри, дьүүллүүр сүбэни үөртэ. Кэлэр да сылларга өссө кэҥии, сайда турудун, ийэ тылбыт сүмэтин кыратыттан эмэнигэр тиийэ сомсо, умсугуйа туруоҕун!