Россияҕа Наука, Саха Республикатыгар Доруобуйа уонна Нам улууһугар уһулуччулаах политическай деятель И.Е.Винокуров 125, Үөрэхтээһин 150 cылларыгар, Хатырык нэһилиэгэр тутуу уонна бэлэмнэнии сылларыгар уонна Ю.В.Потапов – Саргын 80 сааһын көрсө “Уран тыл ураты кылларын таарыйан” Ю.В.Потапов – Саргын хоһооннорун уус-уран ааҕыыга аһаҕас күрэх балаһыанньата

Тэрийээччилэр:
“Хатырык нэһилиэгэ” МТ
“Отуу уота” улуустааҕы литературнай түмсүү
Хатырыктааҕы “Сайдам” норуот айымньытын дьиэтэ.

Ыытыллар сирэ, күнэ, бириэмэтэ:
Буолар күнэ – муус устар 15 күнэ, 2021 с., онлайн режимынан.

Сыала – соруга:
- Нам улууһун, Ленскэй, Арбын, Хатыҥ – Арыы, Хатырык нэһилиэгин бочуоттаах олохтооҕо, поэт Ю.В.Потапов – Саргын сырдык аатын үйэтитии уонна кини айымньыларын киэҥ араҥаҕа билиһиннэрии, таһаарыы;
- Уус - уран ааҕыыны киэҥ эйгэҕэ таһаарыы;
- Уус - уран ааҕыы көмөтүнэн үүнэр көлүөнэни, ыччаты патриотическай, духуобунай иитии;
- Эдэр ыччаты уран тылга уһуйуу.

Конкурс балаһыанньата:
Күрэххэ кыттыы түөрт бөлөххө арахсан ыытыллар:
Бастакы бөлөх – 5 саастарыттан 7 саастарыгар дылы;
Иккис бөлөх – 8 – тан 14 саастарыгар дылы;
Үһүс бөлөх – 15 – тэн 35 саастарыгар дылы;
Төрдүс бөлөх – 35 саастарыттан үөһэ саастаахтар.
Уус уран ааҕыы муусуканан доҕуһуолланара көҥүллэнэр. Видео монтажтанара көҥүллэммэт.
Взнос хас биирдии кыттааччыттан – 200 солк., бөлөҕүнэн толорууга хас биирдии кыттааччыттан – 100 солк.

Сыаналанар:

- Хоһоон ис туругун көрөөччүгэ тиэрдии:
- Обраһы сөптөөхтүк арыйыы;
- Сценическай культура.

Наҕараадалааһын
Хас биирдии бөлөххө биирдии Гран при, лауреат 1,2,3 истиэпэннээх, дипломаннар 1,2,3 истиэпэннээх. Ону таһынан анал ааттар уонна хас биирдии кыттааччыга кыттыытын туоһулуур сертификат.
Жюри састаабыгар “Отуу уота” литературнай түмсүү чилиэннэрэ бааллар.
Сайаапкалары, видеоны, взностары муус устар 12 күнүгэр дылы “Сайдам” Норуот айымньытын дьиэтигэр ылабыт.
Уус уран салайааччы – Левина Любовь Ильинична, 89245979475.