11:29 "Өбүгэ кыбытык тигиитин аныгы кэмҥэ сөргүтүү" бырайыак чэрчитинэн "Кырадаһын" иистэнньэҥнэрэ кыттыыны ыллылар. | |
Быйыл улууспутугар И.Е.Винокуров, П.П.Ядрихинскай юбилейдарынан, Үөрэхтээһин сылларынан Нам улууһун П.П. Ядрихинскай -Бэдьээлэ аатынан Олонхо дьиэтэ (сал. Колпашникова В.В.) "Өбүгэ кыбытык тигиитин аныгы кэмҥэ сөргүтүү" диэн ааттаах бырайыагы тобулан, толкуйдаан улуус 2020-2021 с.с. юбилейдаах иистэнньэҥэрин түмэн балаҕан ороннорун таҥаһын, сабыытын тиктэриини саҕалаабыттара. Онно биһиги "Кырадаһын" иистэнньэҥнэр түмсүүтүттэн (сал.Соропова Н.В.) биэс иистэнньэҥ кыттыыны ылла: Ноговицына А.А., Суханова А.С., Слепцова А.В., Дьяконова С.В., Попова Х.Е. Бу үөрүүлээх тэрээһиҥҥэ "Нам улууһа" МТ баһылык солбуйааччыта М.С. Игнатьева, Ленскай нэһилиэк администрациятыттан Д.В.Егорова, Хатырык нэһилиэгин баһылыга Ю.В.Дьяконов кыттыыны ыллылар, эҕэрдэ тылларын эттилэр. Тыл эппит бар дьоммут Чаҕыл Махсыым дойдутуттан, төрөөбүт түөлбэтиттэн бырайыак кыттыылаахтарын тэрээһинэ саҕаламмытын чорботон бэлиэтээтилэр. Быыстапка кэннэ "Кырадаһын" түмсүү иистэнньэҥэ Е.К.Павлова баҕалаахтарга маастар кылаас, сүбэ - ама биэрдэ. Быыстапкаҕа кэлбит дьон элбэҕи билэн-көрөн, астынан тарҕастылар. Өссө да норуот үтүө үгэһэ уус илиилээхтэрбит мындыр толкуйдарынан бар дьоҥҥо кэрэни бэлэхтии, кэрэхсэнэ турдун!
| |
|
Всего комментариев: 0 | |